hazzoom online: Blog

My Islamic blog

Wed, 26 Dec 2007 14:03:35 GMT

This is my islamic blog

Welcome to Truth blog,

Many people all over the world don`t know the truth about islam, they only know the negative idea spreaded by western media, these people must know the truth about islam, so this blog concentrates on clarifying the truth about Islam.

We welcome any positive comments, articles, videos, books, or any resources in English, any fanaticism comments will not be approved and will not be published,

i`m not asking you to turn to Islam becasue you only who decide what relegion you believe, but whatever your relegion or if you are even atheist you should know the truth about Islam.

Thanks for visiting..,

Truth

كتب البروفيسور العلامة دكتور ريكا أفندى !

Sat, 22 Sep 2007 00:53:31 GMT

!كتب البروفيسور العلامة دكتور ريكا أفندى

محلوظة لناس معينة بس

يلا هيص يا عم محمد سيد وهيص يا ريكا نزلتوا في الحزووم نيوووز ويك

!!ارحموني بقي كفاية غباااء خلاص أنا اتنفخت

Thu, 20 Sep 2007 02:08:35 GMT

البشر دي هتقضي عليا خلاص كفاية أنا اتخنقت

لامؤاخذه دخلت في الموضوع مرة واحده من غير ما أديكم خلفية أصل من ساعة ما الواحد عرف ينزل ويندوز شوفوا من كام سنة بقي ييجي من 5 سنين مع بداية ما اشتريت الكومبيوتر واتعلمت عليه ومن وقتها والشعب ده مش راحمني العبد لله نزل للبشر دي ويندوز بعدد شعر راسهم وكله فور فري ببلاش يعني , مش حاجه تنقط رغم اني مليش مهنه غير الكومبيوتر يعني مش تسالي ولا هواية مثلا , وكمان اللي جايبه عشمان في كابل داتا مثلا ببلاش ماهو الناس مفكره اني فاتحها تكية بقي رغم ان الناس دي كلها مستويات اجتماعية مرتفعه لكن تقول ايه شعب غبي واستغلالي من الدرجة الأولي , دا انا لو أخدت حقي بس علي كل نسخة ويندوز نزلتها للبشر دي كان زماني أغني من بيل جيتس نفسه واللي يغيظ ان الناس طبعا عشمانه انك انت اللي تروح لهم في بيوتهم لأن طبعا الباشا مش فاضي ياخد تاكس معفن ب 2 جنيه رايح و2 جنيه جاي علشان يجيب لي الكيسه البيت فأنا اللي آخد تاكسي لسعادته أو ساعات بروح بالعجله , وطبعا يقولي ظبطلي الجهاز واتوصي , يعني حاجه قمة في الغباء هو أنا بعبي فول من القدرة يا متخلف منك له علشان أتوصي بيك واللي يغيظني أكتر لما يقولي" ابقي حطلي شوية أفلام علي أغاني ومتعمليش فيها شيخ" ياااه شفتوا الوقاحه يعني بيطلب مني حاجه غلط وبقلة أدب كمان شعب قمة في الغباء

طب يعني مثلا لو رحت لواحد من الناس دي في مقر عمله وليكن مثلا واحد اعرفه وشغال صيدلي وقلتله هات علبة دوا كذا هل تتخيلوا انه هيديهاني ببلاش , لا طبعا هيقولي شخلن علشان تعدي طب اشمعني انت بتطلب اني أجيلك البيت علشان انزل لسعادتك ويندوز ببلاش دا انت غبي قوي ومنك لله انت وكل اللي زيك , ومرة تانية جابلي الكيسه البيت وكانت عدمانه خالص فحاولت فيها وموصبتش لحاجه فقلتله وديها لحد بتاع صيانة , قاللي وانت بتعمل ايه مش انت عاملي فيها بتاع كومبيوتر , اعذروني مش هقولكم علي احساسي وقتها ومش هقولكم كان نفسي أعمل فيه ايه علشان احنا في رمضان

هتقولوا ايه اللي فكرك دلوقتي بالموضوع ده , هقولكم اني لما دخلت البيت الليله لقيت ابن الجيران بيقولي ان الجيران اللي في الدور السادس اللي عزلوا جديد عندهم مشكلة في الجهاز وعرفوا انك "بتاع" (حلوه بتاع دي) وعايزينك تظبط الجهاز تطلعلهم ولا يجيبولك الجهاز تحت (أنا في الدور التالت) ههههههههههه يعني ولا حد فيهم يعرفني معرفه شخصية واعتقد انه الشرط الأساسي علشان واحد يطلب من واحد خدمة انه يكون علي الأقل عرافه ولو شكلا لكن أنا مشفتش حد مهنم اساسا - دا أنا صحابي الأنتيخ مش بطلب منهم حاجه الا في الشديد القوي , رحت قلتله أنا اليومي دول عندي زنقة شغل (علشان لو قلتله شغال في برنامج ومزنوق في ميعاد التسليم مش هيفهمني أساسا) فقلتله خلي الراجل ده يجيب الكيسه علي يوم السبت مثلا يعني كمان يومين تلاته فقالي طيب ماشي , المهم الساعه 2 بالليل لقيت الباب بيخبط !!! تصوروا ايه ؟ لقيته الراجل بتاع الدور السادس اللي عمري مشفته أساسا جايب الكيسه وبيشرحلي المشكله اللي عنده

!!!!!!!!!!!!!

طبعا مش هعلق علشان أي تعليق هيخليني أغلط وآخد ذنوب ودلوقتي داخلين عالفجر وهروح أصلي واشوفكم علي خير وحسبي الله ونعم الوكيل

الخلاصه ان كل ده بسبب العشم كل واحد عشمان ياخد حاجه من غير ما يدفع كله عشمان في ابو بلاش الله يخرب بيت العشم الناس دي متعرفش أن ما أخذ بسيف الحياء فهو باطل

القصص والحكايات في موضوع الويندوز أبو بلاش ده من غير نهاية وكلها تؤدي الي رفع الضغط فكفاية عليكم كده علشان داخلين علي الامساك ومفيش داعي أغير دمكم

!!!! فعلا العقل زينة في الباترينه

خير قناة.. لخير أمة..حبا في.. خيرنبي

Tue, 18 Sep 2007 18:01:27 GMT

قناة الأمة الفضائية

قناة هدفها نصرة النبي محمد صلي الله عليه وسلم

أترككم مع موقع القناة

www.alomma.tv

لدعم القناة ورعاية برامجها حساب رقم 183723 بنك فيصل الإسلامي فرع القاهرة بأسم أحمد محمد محمود

!!دا الشعب كله بيستعمله

Tue, 18 Sep 2007 13:22:25 GMT

شئ غريب جدا جدا جدا لما تلاقي مذيع في برنامج بيعمل لقاءات مع البشر ويسأل سؤال مثلا عن أي شئ مثلا لو بيسأل عن منتج معين لشركة ما فتلاقي البلاص اللي بيجاوب يقولك "دا الشعب كله بيستخدمه الشعب كله بيحبه" يا سلام وبفقر شكلك انت عرفت ازاي ان الشعب كله بيحبه أو بيستعمله هل لفيت علي الـ 70 مليون وسألتهم واحد واحد عن الشئ ده - حاجه غريبه والله
نفس القصه بتتكرر مع الأشخاص وغالبا بتبقي الفنانين المجانين فتلاقي مثلا مذيع في برنامج بيسأل الضيف عن الفنان ده أي سؤال فتلاقي الضيف بيرد "طبعا طبعا -ايه هوا اللي طبعا مش عارف- ده فنان محبوب جدا وكل الشعب والعالم العربي بيحبه وبيتفرج علي أفلامه" يا سلام يا عم الغبي وانت عرفت ازاي يعني ولولا انه عربي كان قال أوروبا كمان بتتفرج عليه - ياسلام عالغباء
دايما تلاقي الشخص ده -البلاص يعني- واخد توكيل رسمي من الـ 70 مليون بني آدم - مش هقول 70 ملوين بلاص لأن فيهم ناس كويسه اللي انا منهم يعني- وبيتكلم باسمهم لما تلاقي الشخص ده لازم تعرف انه مصري

أما الحاله الوحيده اللي أنا ممن أقول فيها الشعب كله بيحبه هي لو اتسألت عن اللي بالي بالك -يعني اللمبي وبالك ميروحش لبعيد- فطبعا هقول الشعب كله بيحبه وسلملي علي العقول والعقل زينة في الباترينه - وبركاتك يا زكية زكريا

البرده... مولاي - مسعود كرتيس - محمد الحساين

Sun, 16 Sep 2007 21:16:04 GMT

البرده ... مولاي لمسعود كرتيس أو محمد الحساين

http://www.4shared.com/file/24397858/8c7ca4b2/Burdah.html

منظمة المواقع الاسلامية

Wed, 12 Sep 2007 21:38:35 GMT

بحمد الله تعالي تم الليله اطلاق موقع منظمة المواقع الاسلامية والهدف منها نصرة المواقع الاسلامية الصحيحة والتعريف بها وكذلك التحذير من المواقع من المواقع المعادية للاسلام والتي تتخذ طابع اسلامي لجذب الباحثين عن المواقع الاسلامية من خلال محركات البحث.. انطلق الموقع بفضل الله وبفضل تكاتف جهود الأخوة في ادارة منتدي الفريق العربي للبرمجة ويمكنكم المساهمه بالدعاية للمنظمة بوضع أحد هذه البانرات سواء في موقع شخصي أو منتدي أو بلوج أو صفحه شخصية

منظمة المواقع الاسلامية

www.Islamwebsites.org

486X60

243X60

125X125

وكل عام والأمة الاسلامية بخير

الترقيعه الأخيرة

Wed, 12 Sep 2007 15:44:02 GMT

علي غير عادتي تجولت في غير المواقع البرمجية ووجدت هذا الفيديو

Disclaimer

اتمني أن يجعل كل منكم بجانبه حبتين دوا للضغط

http://blog.ikbis.com/2007/9/4/الترقيعة-الأخيرة

أقوال جميلة 2

Fri, 07 Sep 2007 16:09:43 GMT

تصلني من حين لآخر بعض الكلمات الجميلة من صديق علي المسنجر وأحب أن اشارككم اياها فمن الممكن أن تغير من تفكيرنا للأفضل باذن الله

تعلمت ان الذين لديهم الجرأه على مواجهة الفشل هم الذين يقهرون الصعاب وينجحون

ان المتسلق الجيد يركز على هدفه ولا ينظر الى الاسفل حيث المخاطر التي تشتت الذهن

ان هناك فرقا كبيرا بين التراجع والهروب

ان الشجرة المثمرة هي التي يهاجمها الناس

رمضان كريم

Sun, 26 Aug 2007 09:21:13 GMT

كل عام وأنتم بخير ورمضان كريم أعاده الله علينا بالخير واليمن والبركات

!!!حاجات كده

Fri, 24 Aug 2007 13:03:57 GMT

!!!مش هكون اسفنجه وأحفظ زي البلاليص لا لا لا

!!!مش عارف ايه الهبل اللي هما فيه ده ربنا يشفيكم

!!!هنفضل ماشيين لورا طالما بنفكر بنفس الطريقة المتخلفة دي

!!!مش هنطلع سوفت نضيف طالما لسه بخلانين

!!!هعمل اللي فدماغي طالما أنا مقتنع وماشي صح

!!!وأسعد لحظاتي لما اوريهم اني ماشي صح وهما غلط

!!!ههههه برضه هكتب كود عالورق وكده كده محدش فاهم حاجه

!!!مش هخليكم تستفيدوا وانتوا الخسرانين جاتكم نيلة فغبائكم

!!! نفسي أشتريها واطردكم منها يا معفنين

!!!جاتك نيلة يا معفن مين انت علشان تحكم, خليك تعك زي ما انت

!!!مين انت علشان تتشرط عليا مش شغال معاك, عاطل وملك نفسي أحسن من شغال وعبد, حتي احساس انك بتفرض عليا شروط مش هخليك تتمتع بيه

!!!مكنش العشم فيك دا انت طلعت مقلب

!!!اذا مكنتش فاهم الحته دي يبقي متستاهلش أشرحلك

!!احترموا نفسكم دا انتوا لولانا كنتوا لسه حفاة عراة

مولاي اني ببابك قد بسطت يدي

Fri, 10 Aug 2007 23:20:48 GMT

مولاي اني ببابك قد بسطت يدي.. ابتهال جميل جدا للنقشبندي

http://www.4shared.com/file/21789389/569636ba/Mawlay_Naqshbndy.html

القبر ينادي كل يوم 5 مرات ويقول ؟

Sun, 05 Aug 2007 14:11:19 GMT

القبر ينادي كل يوم 5 مرات ويقول: أنا بيت الوحدة فأجعل لك مؤنساً قراءة القرآن الكريم .. أنا بيت الظلمة فنورني بصلاة قيام الليل .. أنا بيت التراب فأحمل الفراش وهو العمل الصالح .. أنا بيت الأفاعي فأحمل الترياق وهو بسم الله .. أنا بيت سائل منكر ونكير فأكثر علي طهري قول الشهادتين.. فاللهم استرنا فوق الأرض وتحت الأرض ويوم العرض عليك

!!! ويبندوز أبليكيشن

Tue, 24 Jul 2007 23:46:16 GMT

بسم الله الرحمن الرحيم

من فترة صغيرة قابلت صديق تعرفت عليه وهو مبرمج ويب بعدة تقنيات (دوت نت, جافا, بي اتش بي, ايه اس بي...) وكنا بنتكلم عن البرمجة والبرامج واتجاه المستقبل وفرص العمل لبرامج سطح المكتب وتطبيقات الويب, ولأني مبرمج تطبيقات سطح المكتب مش ويب وبصراحه مش بحب برمجة الويب (وفكرة الكلينت سايد والسيرفر سايد) - ومش بحس بمتعه الا وانا شغال علي فورم! - ولم أدخل فيها حتي الآن (بالايه اس بي دوت نت طبعا بحكم اني مبرمج دوت نت) فخطرت فبالي فكرة أو بالأحري أمنيه وهي انه تشتغل الفورم بتاعت برامج سطح المكتب جوه من داخل المتصفح! (فكرة جنونية شوية!) ساعتها الواحد ممكن يدخل في برمجة الويب, لكن اليوم فتح أخونا أحمد غريب وهو أحد أعلام منتدي الفريق العربي للبرمجة موضوع - وهوا اللي خلاني أكتب الموضوع ده - ملوش علاقة بموضوع تطبيقات الويب أو الويندوز لكن مشاركة لأحد الأعضاء عن نصيب الدوت نت أو الجافا بسوق العمل جعلت الأخ أحمد غريب يكتب رد تطرق الي مجموعة من الأدوات التي أعتقد انه يمكن ان تكون ثورة في تطبيقات الويب وأحب أسميها ويبندوز وهتعرفوا ليه مسميها كده لما تشوفوا الفيديو ده

أظن الفيديو لخص وشفتوا الفورم جوه من داخل المتصفح

وموقع المشروع ده أهوه

www.thinwire.com

واللي يقرا امكانيات الأدوات دي هيعرف انه لا فيه هتمل ولا سي اس اس ولا كلينت سايد كود ولا قرف (اللي الاس بي دوت نت معتمده عليهم) يعني ويبندوز بجد وكمان أوبن سورس يعني من الآخر

وطبعا حاجه تروش بجد فلو تم استمرار دعم هذه الأدوات وتحسينها بقوة فستقود ثورة تطبيقات الويب القادمة لا محالة, آجي بقي لنقطة تاني وهي هل ميكو ستقوم كالعادة بتقليد هذه التقنيات في الاصدارات القادمة من ايه اس بي دوت نت مثلا ولا ممكن تطلع بنوع جديد من المشاريع مثلا مشابه لهذه الأدوات والا فعلا ستفرض أدوات الجافا هذه سيطرتها الفتره القادمة اللي يعيش ياما يشوف وربنا يدينا ويديكم الصحه وطول العمر وحسن العمل

!التنسيق الالكتروني والشعب المصري

Sun, 22 Jul 2007 16:09:54 GMT

طبعا محدش يتوقع حاجه كويسة من الحكوكة الفرعونية لكن الصراحه حته حلوة قوي لما عملوا موضوع التنسيق الالكتروني للطلبة اللي خلصوا الثانوية العامة وبيقدموا ورقهم للجامعة, صحيح لموا فيها مبلغ ملوش لزمة قيمة السي دي والكتيب بـ 8 جنيه واللي علي السي دي هوا هوا اللي علي الكتيب.. حاجه غريبه قالي يعني بيوفرا كل الوسائل

وطبعا لأني من أفراد مجتمع الآي تي فطبعا في البيت عندي كلهم متظبطين قوي في موضوع التنسيق الالكتروني والعملية مشيت اشطه الحمد لله وبلا صداع بقي وورق وقرف وتشطيب وتصليح وطوابع وتلزيق والكلام الفاضي ده لكن لما رحنا مكتب التنسيق علشان نآخد الايصال حبيت اشوف انطباع البشر عن التنسيق الالكتروني وياريتني ما شفت.. لقيت الناس مدلدله فكها التحتاني وقمه في البرنجان والتوهان وكله لايص.. قلت غريبه لا كده مرتاحين ولا كده مرتاحين انتوا مينفعش معاكم غير ان الحكوكه تطلب ورق التنسيق علي جلد ماعز أو لوح حجري علشان تعرفوا تتعاملوا معاه , بس الصراحه مكتب التنسيق علي غير العاده مكان متوفر فيه أجهزه كتير أكبر من عدد البشر اللي بتقدم والمكان مكيف ونضيف بجد.. يعني من النوادر لما تشوف حاجه كويسة في البلد دي , ربنا يصلح الحال يارب العالمين.. يارب

!النصب العلني في رفع أسعار الانترنت في مصر

Sat, 21 Jul 2007 06:24:58 GMT

حسبي الله ونعم الوكيل فاكرينا مغفلين ولا ايه , حاجه ترفع الضغط بجد ويقولك قال ايه تخفيض اسعار النت في مصر لكن اللي هيقرا الكلام ده ويحلله بجد هيلاقي ان الأسعار زادت , فحسبي الله ونعم الوكيل

أوضح الرئيس التنفيذى للجهاز القومى لتنظيم الاتصالات الدكتور عمرو بدوى أن الجهاز قرر توفير خدمة الاشتراك فى خدمات الانترنت فائق السرعة وفقا للتخفيضات الجديدة فى أسعاره بحيث يسمح للمشترك بالحصول على60 ساعة إستهلاك أو تحميل حتى 2 جيجابايت شهريا بسعر 45 جنيها بسرعة 256 كيلوبايت/ثانية.

وقال إن شركات الانترنت ستحاسب المشترك اعتبارا من أول سبتمبر المقبل على الزيادة فى الاستهلاك بسعر 10 جنيهات لكل جيجابايت فى النظام الأول أو 150 قرشا للساعة فى النظام الثانى .

وأضاف ..إن الاشتراك بعدد 60 ساعة شهريا يوفر معدل ساعتين يوميا من استخدام الانترنت فائق السرعة وهو كاف أو مساو تقريبا للوصول إلى تحميل 2 جيجابايت شهريا.. مشيرا إلى أن متوسط الاستهلاك لكل منزل على مستوى العالم للانترنت فائق السرعة لايزيد عن 1 إلى 2 جيجابايت-حسبما ذكر الموقع الرسمي للحزب الوطني الديموقراطي.

وأشار إلى أن الزيادة عن هذا المعدل تحدث عند تحميل أفلام أو موسيقى أو أغانى وهو ما يستوجب دفع المقابل عن هذه الخدمة مشيرا إلى أن الهدف من الانترنت هو إتاحة المعلومات والاستفادة منها وليس مجرد تحميل الأفلام.

وأوضح أن سعر الساعة فى شريحة "45 جنيه" الجديدة هو 75 قرشا بسرعة 256 كيلوبايت/ثانية، مقارنة بسعر ساعة الاتصال على الانترنت المجانى على التليفون العادى والتى تبلغ 125 قرشا بسرعة تتراوح مابين 4 إل 10 كيلوبايت وحتى 56 كيلوبايت فى الثانية فى أفضل الحالات.

جاء ذلك فى تصريحات للدكتور بدوى خلال مؤتمر صحفى ليلة أمس مع الدكتور طارق كامل وزير الاتصالات وتكنولوجيا المعلومات للاعلان عن نتائج اجتماع الجهاز القومى لتنظيم الاتصالات الذى إستمر على مدى اليومين الماضيين للبت فى بعض القضايا الساخنة على ساحة الاتصالات فى مصر.

وأشار الدكتور بدوى إلى أن هذه الموضوعات شملت تخفيض أسعار الانترنت فائق السرعة "إيه0 دى0 إس0 إل" والموافقة على منح رخصة الجيل الثالث لشركة المحمول "موبينيل" ،وضع إطار عام للرخصة الثانية للتليفون الثابت وإتاحة بوابات مستقلة للاتصالات الدولية لمن يرعب من شركات المحمول ونقل أرقام المشتركين بين شركات المحمول.

وقال الرئيس التنفيذى للجهاز القومى لتنظيم الاتصالات الدكتور عمرو بدوى إن هناك مقترحا بعمل كروت مدفوعة مقدما للحصول على خدمات الانترنت بالنظام الجديد لتجنب المشاكل بين الشركات والمشتركين فى حساب ساعات الاستهلاك أو التحميل، مقابل الاشتراك بالدفع آجلا بناء على فاتورة الاستهلاك.

وأضاف..إن شركات الانترنت ستبدأ فى الإعلان عن عروضها بالنسبة لسعات التحميل أو السرعات المختلفة سواء 512 كيلوبايت أو 1 ميجابايت أو 5ر1 ميجابايت فى عدد من الباقات أو الشرائح التى تراعى تلبية احتياجات جميع الأسر المصرية ، مما سيعمل على حل مشكلة التوصيل بالأسلاك والكابلات من منزل إلى منزل إضافة إلى تحسين مستوى الخدمة.

وأشار إلى أن سعر سرعة 2 ميجابايت سيظل استرشاديا عند 760 جنيها شهريا بطاقة تنزيل مفتوحة حيث أنها مخصصة للشركات والمؤسسات .

وبالنسبة للاشتراكات المنزلية السارية بالفعل، قال الرئيس التنفيذى للجهاز القومى لتنظيم الاتصالات إنه من حق المشترك أن يستمر فى الحصول على سرعة 256 كيلوبايت/ثانية غير مقيدة بسعة تحميل بالقيمة المتعاقد عليها من قبل حتى نهاية عقده أو التحول إلى نظام الاشتراك الشهرى بمبلغ 45 جنيها مع التقيد بسعة التحميل 2 جيجابايت أو نظام 60 ساعة شهريا أو الباقات الجديدة وسداد قيمة الاستهلاك أو الساعات الزائدة.

وأشار إلى إمكانية قيام "عمارة" بالاشتراك فى "خط مؤجر" مع استخدام جهاز توزيع "روتر" بسرعة 2 ميجا على أن يتم ترك الأمر للشركات للتنافس فى تحديد الأسعار فى هذا الحالة،لأن لها نظاما خاصا فى بنيتها.

ونوه الى أنه طلب عمل نموذج خاص لاشتراك العمارات مع الشركات، ولكنه توقع ألا يجدى هذا النموذج فى ظل النزول بأسعار الاشتراك الشهرى لكل منزل إلى 45 جنيها ، لأنه لو تم تخصيص 2 ميجابايت للعمارة بمبلغ760 جنيها مثلا، فلابد من وجود نموذج اقتصادى بسعر مناسب يعمل خلاله " 20 شقة" داخل العمارة الواحدة على الأقل ليدفع كل مشترك حوالى 40 جنيها شهريا، وفى هذه الحالة ستكون السرعة التى يحصل عليها كل منزل ضعيفة جدا.

نقلا عن: ساعة الانترنت فائق السرعه ستصبح أرخص من الانترنت المجاني

ما رأيك بالمدونة بتاعتنا؟

Wed, 18 Jul 2007 02:47:48 GMT

السلام عليكم ورحمة الله

أرجو منكم بالتصويت في استطلاع الرأي هذا لتقييم المدونة فان كنت تري انها جيدة فهذا من دواعي سرورنا للاستمرار باذن الله وان كنت تري غير ذلك فسيكون ذلك سببا للتطوير والتحسين أو تغيير نوعية الموضوعات أو ما تقترحونه وجزاكم الله خيرا , التصويت علي الرابط التالي

http://snappoll.com/poll/207434.php

! مش عارف لها عنوان

Mon, 16 Jul 2007 10:10:51 GMT

وصلتني هذه الرسالة من أخي علاء عواد واحببت أن أشارككم اياها

بسم الله الرحمن الرحيم

==========

سمعنا بقصص مماثله على عهد السلف
لكن الخير في أمة محمد صلى الله عليه وسلم حتى قيام الساعه
قصه منقوله عن
أخوه في الله من
المملكه العربيه السعوديه
واليكم سرد القصه
كنا في جده في بيت الوالده حفظها الله في صباح الجمعه
وعند الضحى سألت خالي
ويش رأيك نطلع مكه نصلي الجمعه هناك و نرجع على طول
قال فكره طيبة
وحنا في الطريق السريع ... لفت نظري قبل مكه بحوالي خمسة واربعين كيلومتر أو تزيد قليلا في الناحية الأخرى من الطريق بيت ابيض من بيوت الله ... مسجد .. ولفت نظري لعدة اشياء
لونه ابيض رائع ومئذنته جميلة و عالية نسبيا
مبني على أسفل سفح جبل او على تلة تقريبا مما يجعل الوصول إليه يبدو صعبا قليلا
المسجد كان مهدم .. او بمعنى أصح .. كان عبارة عن ثلثي مسجد فقط ... و الجزء الخلفي مهدوم تماما .. و لا يوجد ابواب او حتى شبابيك .. وليس اكثر من مسجد مهجور مرتفع عن الأرض
ما ادري ليه بقى منظر هذا المسجد في قلبي ... وصورته ما فارقت خيالي ابدا .. يمكن لشموخه و وقوفه ضد السنين ... الله أعلم

وصلنا مكه ولله الحمد
بعد الصلاة .. ركبنا سيارتنا وأخذنا طريق العوده
للمرة الثانية ... مدري ليش ... ظهرت صورة نفس المسجد في بالي
المسجد الأبيض المهجور
جلست أكلم نفسي ... بعد شويه يظهر لنا المسجد
جلست التفت لليمين وانا أبحث عنه
مررت بجانب المسجد وطالعت فيه ولكن لفت انتباهي شئ
سيارة .. فورد زرقاء اللون تقف بجانبه
ثواني مرت وانا افكر .. ويش موقف هالسياره هنا ؟ .. ويش عنده راعيها ؟ .. ثم اتخذت قراري سريعا
هديت السرعه ولفيت لليمين على الخط الترابي ناحية المسجد ليقضي الله أمرا كان مفعولا ... وسط ذهول خالي وهو يسألني
خير ويش فيه ؟؟؟
اتجهت لليمين من عند المعهد السعودي الياباني في خط ترابي لحوالي خمسمئة متر .. ثم يمين مرة أخرى ... ثم داخل اسوار لمزرعة قديمة ... حتى توجهت للمسجد مباشرة
سألني خالي خير ويش فيك رد علي ؟
قلت ابدا .. بشوف راعي هالسيارة ويش عنده
قال ... مالنا ومال الناس
قلت خلينا نشوف .. وبالمرة نصلي العصر شافني مصمم ومتجه بقوة للمسجد راح سكت

وقفنا السيارة في الأسفل وطلعنا حتى وصلنا للمسجد ... وإذا بصوت عالي ... يرتل القرآن باكيا .. ويقرأ من سورة الرحمن وكان يقرأ هذه الاية بالذات
( كل من عليها فان * ويبقى وجه ربك ذو الجلال والإكرام )
فكرت أن ننتظر في الخارج نستمع لهذه القراءة .. لكن الفضول قد بلغ بي مبلغه لأرى ماذا يحدث داخل هذا المسجد ... المهدوم ثلثة ... والذي حتى الطير لا تمر فيه
دخلنا المسجد
وإذا بشاب وضع سجادة صلاة على الأرض ... في يده مصحف صغير يقرأ فيه ... ولم يكن هناك أحدا غيره
وأؤكد
لم يكن هناك أحدا غيره
قلت السلام عليكم ورحمة الله وبركاته
نظر إلينا وكأننا افزعناه مستغربا من حضورنا ثم قال
وعليكم السلام ورحمة الله وبركاته
سألته صليت العصر؟
قال .. لا
قلت طيب أذنت ؟
قال لا... كم الساعة ؟
قلت وجبت خلاص
أذنت .. ولما جيت أقيم الصلاة .. وجدت الشاب ينظر ناحية القبلة و يبتسم
غريبة ابتسامته !!!
يبتسم لمين ؟
ايش السبب !!!
وقفت اصلي ... وأسمع الشاب يقول جملة طيرت عقلي تماما
قال بالحرف الواحد
أبشر ... جماعه مرة وحدة
نظر لي خالي متعجبا ... فتجاهلت ذلك ... ثم كبرت للصلاة وانا عقلي مشغول بهذه الجملة
( أبشر جماعة مرة وحدة )
يكلم مين ؟؟؟ .. ما معانا أحد !!! .. أنا متأكد إن المسجد كان فاضي ... يمكن احد دخل من غير ما اشوفه ... هل هو مجنون ... لا أعتقد ابدا ... طيب يكلم مين !!!
صلى خلفى ... وانا تفكيري منشغل بيه تماما

بعد الصلاة ... أدرت وجهي لهم .. وحين أشار لي خالي للانصراف.. قلت له .. روح انت استناني في السيارة والحين الحقك
نظر لي ... كأنه خايف علي من هذا الشاب الغريب
الذي يتوقف عند مسجد مهجور
الذي يقرأ القرآن في مسجد مهجور
الذي لا نعلم يكلم من ... حين يقول
( أبشر جماعة مرة وحده )
اشرت إليه أني جالس قليلا
نظرت للشاب وكان مازال مستغرقا في التسبيح ... ثم سألته
كيف حال الشيخ ؟
فقال بخير ولله الحمد
سألته ما تعرفت عليك
فلان بن فلان
قلت فرصة سعيدة يا أخي ... بس الله يسامحك .. أشغلتني عن الصلاة
سألني ليش ؟
قلت ... وانا اقيم الصلاة سمعتك تقول
أبشر جماعة مرة وحده
ضحك ... وقال ويش فيها؟
قلت ... ما فيها شئ بس .. انت كنت تكلم مين !!!
ابتسم ... ونظر للأرض وسكت لحظات ... وكأنه يفكر .. هل يخبرني ام لا ؟
هل سيقول كلمات أعجب من الخيال
أقرب للمستحيل
تجعلني اشك أنه مجنون
كلمات تهز القلوب
تدمع الأعين
ام يكتفي بالسكوت!!!
لو قلت لك .. رايح تقول علي مجنون
تأملته مليا ... وبعدين ... ضممت ركبتي لصدري ... حتى تكون الجلسة أكثر حميمية .. أكثر قربا .. أكثر صدقا .. وكأننا أصحاب من زمان
قلت .. ما أعتقد انك مجنون ... شكلك هادئ جدا ... وصليت معانا ولا سمعت لك حرف
نظر لي ... ثم قال كلمة نزلت علي كالقنبلة .. جعلتني افكر فعلا هل هذا الشخص مجنون !!!

كنت أكلم المسجد
قلت .. نعم !!!
كنت أكلم المسجد
سالته حتى أحسم هذا النقاش مبكرا ... وهل رد عليك المسجد ؟
تبسم ... ثم قال .. ما قلت لك ... حتقول علي مجنون .. وهل الحجارة ترد .. هذه مجرد حجارة
تبسمت ... وقلت كلامك مضبوط .. طالما انها ما ترد ... طيب ليه تكلمها !!!

هل تنكر .... إن منها ما يهبط من خشية الله
سبحان الله ... كيف انكر وهذا مذكور في القرآن
طيب ... و قوله تعالى
( وإن من شئ إلا يسبح بحمده )
قلت ماني فاهمك
باعلمك
نظر للأرض فترة وكأنه مازال يفكر
هل يخبرني ؟؟
هل أستحق أن أعلم ؟؟
ثم قال دون أن يرفع عينيه

انا انسان احب المساجد .. كلما شفت مسجد قديم ولا مهدم او مهجور .. افكر فيه
افكر في ايام كان الناس يصلوا فيه
واقول .. تلقى المسجد الحين مشتاق للصلاة فيه .. تلقاه يحن لذكر الله
أحس ... أحس إنه ولهان على التسبيح والتهليل .. يتمنى لو آية تهز جدرانه .. وأفكر .. وافكر .. يمكن يمر وقت الآذان وتلقى المئذنة مشتاقة ... و تتمنى تنادي ... حي على الصلاة ... وأحس إن المسجد ... يشعر انه غريب بين المساجد .. يتمنى ركعة .. سجدة .. أحس بحزن في القبلة ... تتمنى لا إله إلا الله .. ولو عابر سبيل يقول الله اكبر ... وبعدين يقرأ
( الحمدلله رب العالمين )

اقول في نفسي والله لأطفئ شوقك .. والله لأعيد فيك بعض ايامك اقوم انزل ... وأصلي ركعتين لله ... واقرأ فيه جزء من القرآن
تقول غريب فعلي .. لكني والله ... احب المساجد
أدمعت عيني ... نظرت في الأرض مثله لجل ما يلاحظها .. من كلامه .. من احساسه .. من اسلوبه .. من فعله العجيب .. من رجل تعلق قلبه بالمساجد
مالقيت كلام ينقال .. واكتفيت بكلمة الله يجزاك كل خير
بدأ خالي يدق لي بوري يستعجلني .. قمت ... وسلمت عليه
قلت له ... لا تنساني من صالح دعاك
وانا خارج من المسجد قال وعينه مازالت في الأرض
تدري .. ويش ادعي دايما وانا خارج
طالعت فيه وأنا افكر .. ودي الزمن يطول وانا اطلع فيه .. من كان هذا فعله .. كيف يكون دعاه ... وما كنت أتوقع ابدا هذا الدعاء

اللهم
اللهم
اللهم
إن كنت تعلم أني آنست هذا المسجد بذكرك العظيم ... وقرآنك الكريم ... لوجهك يا رحيم .. فآنس وحشة أبي في قبره وأنت ارحم الراحمين

حينها تتابع الدمع من عيني .. ولم استحي أن أخفي ذلك .. أي فتى هذا .. وأي بر بالوالدين هذا
ليتني مثله .. بل ليت لي ولد مثله
كيف رباه ابوه .. أي تربية .. وعلى أي شئ نربي نحن أبناءنا
هزني هذا الدعاء ... اكتشفت اني مقصرا للغاية مع والدي رحمه الله .. كم من المقصرين بيننا مع والديهم سواء كانوا أحياء او أموات

أرى بعض الشباب حين تأتي صلاة الجنازة أو حين دفن الأب
اراهم يبكون بحرقة ... يرفعون اكفهم بالدعاء بصوت باكي ... يقطع نياط القلوب ... و أتفكر .. هل هم بررة بوالدهم أو والدتهم إلى هذه الدرجة .. أم أن هذا البكاء محاولة لتعويض ما فاتهم من برهم بوالديهم !!! .. أم أنهم الآن فقط .. شعروا بالمعنى الحقيقي ... لكلمة أب .. او كلمة أم

أستغفر الله ولا إله إلا الله والله أكبر ولا حول ولا قوة إلا بالله
وسبحان الله العظيم وبحمده، عدد خلقه، ورضا نفسه، وزنة عرشه، ومداد كلماته

Human Tetris!!!

Wed, 11 Jul 2007 02:10:14 GMT

See this funny vedio!

اقوال جميلة ؟ 1

Mon, 09 Jul 2007 21:08:22 GMT

الأشخاص الناجحين يتخذون قراراتهم بسرعة ويغيرونها ببطء أما الأشخاص الفاشلين يتخذون قراراتهم ببطء ويغيرونها بسرعة

في كثير من الأحيان خسارة معركة تعلمك كيف تربح الحرب

مفتاح الفشل هو محاولة إرضاء كل شخص تعرفه

النجاح ليس كل شيء، إنما الرغبة في النجاح هي كل شيء

على الإنسان كي ينجح أن يتجنب الأشخاص السلبيين والمتذمرين والمملين والمتشائمين والحاسدين

العمل الجيد أفضل بكثير من الكلام الجيد

أكثر اللحظات سعادة في الحياة هي عندما تحقق أشياء يقول الناس عنها أنك لا تستطيع تحقيقها

هناك أناس يسبحون في اتجاه السفينة وهناك أناس يضيعون وقتهم في انتظارها

كل الاكتشافات و الاختراعات التي نشهدها في الحاضر، تم الحكم عليها قبل اكتشافها أو اختراعها بأنها مستحيلة

السعادة لا تتحقق في غياب المشاكل في حياتنا، ولكنها تتحقق في التغلب على هذه المشاكل

الفاشلين ينقسمون إلى قسمين، قسم يفكر دون تنفيذ، وقسم ينفذ دون تفكير

HTML

Wed, 04 Jul 2007 15:20:31 GMT

No Comment !

Reference

اذا كنت تريد ؟

Sat, 30 Jun 2007 23:02:49 GMT

مقولة وصلتني علي المسنجر من صديق وأعجبتني

إذا كنت تريد الجنة [ فالزم الصلاة ] .. وإذا كنت تريد الغنى [ فالزم الاستغفار ] .. وإذا كنت تريد المحبة [ فالزم الابتسامة ] .. وإذا كنت تريد السعادة [ فالزم القرآن ] وأذا كنت تريد الثواب فارسلها واكسب الثواب

Quraish Game

Thu, 28 Jun 2007 01:07:43 GMT

Quraish Game

مشروع قريش هو لعبة عربية ثلاثية الأبعاد بالزمن الحقيقي، أغلب الظن أن من يقتنيها سيعتقد أنها تحاول أن تلقي الضوء على صفحات مشرقة من التاريخ العربي والإسلامي، بطريقة جديدة غير مباشرة... في الواقع...قد يكون ذلك دافعاً جانبياً، غير أنه ليس السبب الأساسي الذي جعلنا نمضي قرابة الثلاث سنوات من العمل , شاهد الفيديو

Digital da vinci !!!

Wed, 27 Jun 2007 00:22:20 GMT

Could da Vinci have created the "Mona Lisa" using MS Paint? One modern-day artist did...

هل لاحظت ؟

Tue, 26 Jun 2007 21:20:26 GMT

السلام عليكم ورحمة الله

!! ..الموضوع غريب شوية المرة دي وقلت اشارككم فيه يمكن حد يكون لاحظ برضه

محلوظه 1

الحكاية وكل ما فيها انك ممكن تكون عارف واحد قريب أو زميل في الشغل أو ايا كان وتحس ان فـ شكله (وشه أو تركيب جسمه) شئ مميز بغض النظر حلو أو وحش لكن تحس فيه تركيبه مميز وملفته للنظر زي بروز معين للعينين مثلا أو دوران معين لعظم الفك وهكذا وتلاقي واحد تاني خالص لا يقرب له بأي شكل من الأشكال وتلاقي فيه نف الصفه ان شالله حتي لو كان هندي أو ياباني لدرجة انك تحس ان الشخصين اللي فيهم هذه الصفات اخوات أو توأم فبعض الأحيان , حاجه كده زي الأشخاص اللي عندهم قصور في الوظايف العقلية (المنغوليين) تلاقيهم كلهم شبه بعض , دي علي ما أظن حاجه في الجينات والله أعلم

محلوظه 2

هل لاحظت انه لو انت فموقف معين يعني حدث ما في وقت ما يتهيألك انك شفت أو كنت فنفس الموقف ده قبل كده مثال لو انت واقف في الصاله مثلا وبتعمل حاجه معينة فجأة تحس انك كنت في نفس المكان وبتعمل نفس الحاجه بس في زمن غير الزمن, أعتقد الحكاية دي شائعه شوية أنا سمعت تفسير قبل كده بس مش فاكره ياريت اللي يعرف يقول وياسلام لو كان علمي مش خزعبلات ربنا يكرمكم

مش فاكر محاليظ تاني دلوقتي ربنا يبعت, سلام

هل أنت مبرمج ؟

Wed, 20 Jun 2007 17:06:15 GMT

السلام عليكم ورحمة الله وبركاته

موضوعي المره يمكن يكون مستفز لفئة معينة لا داعي لاطلاق اسم عليها حتي لا اقذف بالطوب فدايما الحق يزعل كالعادة

هل حضرتك مبرمج؟ اذا كانت الاجابة بنعم فأحب أسأل حضرتك مين اللي قال انك مبرمج؟ هل أنت من اطلق هذا اللقب علي نفسك.. ولا أخدت سيرتيفيكيشن من ميكروسوفت (أو أي شركة اخري مش دي القضية) مثلا ولا اخدت شهادة جامعية في البرمجة من اي جامعة سواء مرموقه أو مش مرموقه حتي, اذا لم تكن حاصلا علي اي شئ رسمي يشهد بأنك مبرمج فمن أين جاءت لك هذه الفكرة أو حتي لو كنت حاصلا علي أي مؤهل يشهد علي انك مبرمج فهل تصدق هذا؟ هل تعتقد ان البرمجة موهبة فطرية ولا أي حد يدرس برمجة او خد (كام كورس بطريقة التزغيط) يبقي مبرمج؟ هل تعتقد انه يوجد مبرمج لا يستطيع استخدام برنامج (مش صعب)؟ هل تعتقد انه يوجد مبرمج لا يستطيع عمل بحث عن توول مثلا علي النت؟ فيؤسفني ان اقول هذا هو حال المبرمجين العرب, عايشين قمة في التوهان, وتلاقي الواحد منهم شغال في بروجيكت ماشاء الله وتتخيل بقي انه عمل اللي محدش عمله ولو شفت البرنامج الضخم اللي شغال عليه هتلاقيه عبارة عن واحد فرغ رغبة مكبوته في أن يصبح مبرمج, يا جماعه ارحمونا.. لحد امته هنفضل نعمل شوية عك ونسميها برامج ونبقي كلنا فشخره وانبساط, ارحمونا بقي.. الهنود بقيوا بيصدروا سوفت وير للعالم , واحنا مش عارفين , شركات كتير مسميه نفسها شركات برمجة وما شاء الله المبيعات شغال نار , وكل اللي فيها شوية بلاليص بيخبطوا علي الكيبورد وبيسموا نفسهم مبرمجين, والنتيجة ان قسم الدعم الفني هو أكتر قسم بيبقي شغال لأن كل خمس دقايق تلاقي عميل بيشكي ان البرنامج مره مهنج ومرة قفل لوحده ومره طلع بج أو ايرور ومره مش عارف ايه.., أنا متأكد انه اي شركة من دول لو حاولت تصدر السوفت وير ده للأجانب مش عايز أقول هيكون ايه ردهم.. شئ مخزي فعلا

يا جماعة مش هيبقي لينا مكان في عالم البرمجة الا لما الناس تبطل تآخد البرمجة مهنة علشان الفلوس بتاعتها كتير.. والله فيه مهن كتير فلوسها كتير نصيحه لكل شبه مبرمج اعمل مراجعة لنفسك وشوف هل انت في المكان الصح ولا المهنة دي مش مهنتك وياريت لو مش مكانك البرمجة متترددش ثانية واحده ف انك تفضي مكان لغير

كمان مرة لو معجبكش كلامي اعمل شفت ديليت وريح الجمجمة لأنه مفيش فايدة

يبقي انت أكيد في مصر !

Thu, 14 Jun 2007 11:49:02 GMT

وصلتني هذه الرسالة علي المسنجر من صديق

لما تذاكر جامد ومتنجحش يبقي انت اكيد في مصر ولما تتخرج ومتشتغلش يبقي انت اكيد في مصر ولما تشتغل ومتكسبش يبقي انت اكيد في مصر ولما تحب وتفشل يبقي انت اكيد اكيد في مصر ولما تخطب ومتتجوزش يبقي انت اكيد في مصر عظيمه يا مصر يا ام الدنيا

لا تعليق

Here is Hazzoom !!!

Sat, 09 Jun 2007 04:59:35 GMT

هنا يقبع حزووم

ودي العمارة اللي أنا ساكن فيها عايزكوا تشرفوني عالخريطة بس مش حاجة تاني

هل قيمت مخك وقدرتك علي التفكير ؟

Tue, 05 Jun 2007 03:41:56 GMT

بسم الله الرحمن الرحيم

حتي أكون منصفا وزي ما اتكلمت عن الأغبياء والغباء قلت أجرب اكتب حاجه ايجابيه شويه علشان نرفع المعنويات حبه وكفاية جلد الذات, فقلت أكتب عن كيفية تعاملك مع الكنز الكبير اللي ربنا اداهولنا اللي اسمه المخ واللي أغلب الناس مش عارف تفتحه لحد دلوقتي, آه والله فيه ناس كتير مش عارف تستخدم مخها لحد دلوقتي

نخش في المفيد... أنا هسأل شوية اسئله وانت طبقها علي نفسك يمكن تطلع بنتيجة كويسة

هل تفكر قبل اتخاذ أي موقف أو تصرف؟

هل تقيم نفسك وتقيم تصرفاتك كل فترة لتعرف ان كنت أخطات ولا لأ؟

هل انت شايف انك صح علطول ومش بتغلط؟

هل تصمم علي تنفيذ رغبتك وان اكتشفت انها غلط؟

هل تعترف لو لقيت نفسك غلطان؟

نوع تاني من الأسئلة

هل تعتقد انك ذكي؟ ومين جاب الفكره دي فـ دماغك اساسا؟

هل قيمت درجة ذكائك؟

هل تفكر بمنطقية؟

هل تعرف الفرق بين أنواع الذكاء (الاجتماعي والعاطفي والرياضي وكده يعني)؟

هل تعرف الفرق بين (الذكاء والغباء) و(المعرفة والجهل)؟

هل تعتقد انك بتستخدم كل امكانيات مخك؟

هل قلت "أنا ربنا خلقني كده...غبي"؟

هل تعتقد ان الغبي ممكن تتحسن حالته لو فكر شوية صغيرين؟

هل تعتقد في صحة المقولة (الفرق بين العبقرية والجنون شعرة)؟

نوع تاني من الأسئلة

هل تتابع الأبحاث اللي بيعملها العلماء - غير العرب طبعا - علي المخ؟

هل تعرف ان كل منطقة في المخ مسؤلة عن حاجه معينه؟ وهل تعرف ما هي هذه المناطق؟

هل قريت او بتحتب تقرا عن الناس اللي عندها قدرات خارقة زي تحريك الأشياء بمجرد التفكير؟

نوعية أخري

هل تعتقد ان اي يوم مر ومكسبتش فيه معلومه جديده يبقي كأنه ضاع وراح بدون فايده؟ يعني هتزعل عليه ولا اهو يوم وراح والسلام؟

امتي كانت آخر مرة خطرت علي بالك فكره حلوة أو مفيده؟ هل كنت سعيد علشانها؟

ما مدي قدرتك وسرعتك علي ابتكار حلول وافكار لمشاكل عشتها؟

اتمني ان كل واحد قرا شوية الأسئلة دول انه ياخد الموضوع بجد لأن الموضوع مش مستحمل هزار أو انك تستني أكتر من كده

فهل بعد كده هتحاول تطور في نفسك وقدراتك العقلية لتحقيق الاستفداة القصوي من المخ ؟ هل فكرت تبدأ تبحث عن الموضوع ده يمكن تلاقي ابحاث ولا حاجه يمكن تفيدك؟

زي كده يعني

http://www.alsareha.net/vb/showthread.php?t=53588

في النهاية أنا أعتقد ان ربنا سبحانه وتعالي خلقنا ومعانا علي الأقل الحد الأدني علي القدرة علي التفكير علي الأقل للبقاء علي قيد الحياة والباقي أرزاق يعني لو قلنا الذكاء 10 اجزاء فاعتقد ان اقل واحد طبيعي (يعني معندوش اعاقة عقلية) هيكون رصيده 5 من 10 والباقي ربنا هيعوضهاله يا اما في الفلوس يا اما .. يا اما ... يا اما .... وكده يعني

اتمني ان اللي يعجبه الموضوع انه يشارك بحاجه مفيده او حاجه كانت غايبة عني مثلا أو اضافة قيمة وشكرا لوقتك

صحيح... لو معجبكش كلامي انسي انك دخلت عالبلوج بتاعي من أساسه ولا تزعل نفسك

Get tired of thinking ?

Fri, 01 Jun 2007 00:49:10 GMT

Hi,

Do u get tired of thinking?

I have an endless chain of thoughts, i can`t stop thinking, i`m really tired, i have a headache most of the time, my brain act as a CPU for a web server runing all the time, even while i`m sleeping !

I`m not going to talk about my thoughts, but.. is it normal?, do u think all the time?

some people say: u won`t be tired if it is a pleasant thoughts.., i think that`s right.. u won`t be tired if u have a pleasant thought and got what u want, this makes me crazy, thinking all the time have some advantages and disadvantages.. advantages like it makes u see some things others can`t see, but the biggest disadvantage is to make u tired.., i can`t concentrate in my work, it leads me to be depressed in my depth, this happens to me since i was a child..!, i hope the time that i stop thinkg comes to get some rest.

Holy Quran in your language

Tue, 29 May 2007 01:07:47 GMT

Translation of the Meanings of The Noble Quran in the many Languages

هل نحتاج لغة برمجة عربية ؟

Mon, 28 May 2007 13:52:39 GMT

السلام عليكم ورحمة الله وبركاته

في الآونه الأخيرة في منتدي الفريق العربي للبرمجة تم فتح موضوع لغة برمجة عربية - بمفردات عربية وليست عربية الأصل بمفردات انجليزية - مرة اخري وبالتالي سوف نطرح عدة تساؤلات

هل نحتاج الي لغة برمجة عربية (عربية المفردات) أو حتي عربية الأصل بمفردات انجليزيه ؟

لماذا الاصرار علي لغة عربية المفردات وليس المهم أن تكون عربية الأصل بمفردات انجليزية ؟

ما الفائدة منها ؟ وماذا ستضيف ؟

هل سيتم الاستمرار في دعمها الي أن تصل الي مستوي اللغات الحالية ؟

هل لو وصلت الي مستوي جيد (فرضا) هل سينتقل اليها بعض المبرمجين أو يعملون بها بجانب اللغات التي يتقنونها ؟

هل ستفكر شركات البرمجة في استخدامها ؟ وتوظيف مبرمجين يتقنون هذه اللغة ؟

هل سيتوفر لها مصادر تعليمية لدعم المبرمجين الذين يعملون بها ؟

تساؤلات كثيرة تطرح نفسها علي الموضوع ويمكنكم متابعة النقاش هناك بالمنتدي ولكن ما أريد التعليق عليه هو أن أي محاولة لعمل لغة برمجة عربية بمفردات عربية ستكون عبارة عن محاولة لتعريب لغة معينة ولتكن السي بلس مثلا ولا أعتقد انها ستصل الي نفس قوتها وستكون عبارة عن لغة للأطفال لتعليمهم مبادئ لغات البرمجة وكيفية التعامل معها ولن تأتي بمفهوم جديد مثل البرمجة الموجهة بالكائنات , لأن محاولة عمل لغة قوية وتجارية معناه وجوب وجود دعم مادي وهذا لا يحدث وكل المحاولات هي جهود فريدة يشكر عليها اصحابها , فهل يا تري هنشوف اعلان في جريدة الأهرام عدد يوم الجمعة في الاعلانات المبوبه لعام 2020 يقول

شركة برمجيات كبري تطلب مبرمج لغة ض بلس 2018 وقاعدة بيانات بياناتي 2020

أرسل السي في علي الايميل التالي عنوان_الشركة(آت)الدومين.كوم

وربنا يدينا ويديكم طولة العمر

VB.NET World Comptition

Sat, 26 May 2007 18:47:16 GMT

يقدم - اخي أيوب في موقعه - عالم فيجوال بيسك دوت نت مسابقات هي الأولي من نوعها فهي عبارة عن مسابقة للخوارزميات بأي من لغات البرمجة والمسابقة باللغة العربية , شارك وحاول واثبت نفسك, مع تمنياتي لكل المشتركين بالفوز

Bugs Generator !

Sat, 26 May 2007 10:00:58 GMT

Hi,

Do you use Arabian Software? I`m sure that the answer is NO!!, Why? because Arabian Software is a Bugs Generators!.

The story began when i was asked to work in a Software CO. in Cairo at (6-2006) after finishing my exams, honesty it was a good chance that i couldn`t refuse because it was my first time to work in a software CO., i didn`t care how is the CO. first thing was to discover the project i would work in, but it was a big mystery.. the application was Spaghitti Coded, when debuging you would visit too many classes to execute a very small process like creating a new record in dataset.., No OOP.., both of connected & disconnected mode was used in a process like saving a record to databse, for a while i imagined my self as a customer for this company that who use this software.. i was shocked, the poor customer or data entry doesn`t know how many Bugs this application contains, i did my best to fix these bugs, we (me & project manager) was debuggers only, every time we fixed a bug another one appears immedialtely, i sepnt most of my time fixing bugs but it was interesting more than usual coding, source code was written by many other developers who left the company to better one, so i let you imagine how was the code looks like.., after that i heard about many application in another Companies.. it is the same this.. all of them is a Bugs Generators..,

Software companies doesn`t care about produced software, they only cares about how many copies will be sold, they cares only about money, no thing else.

Vista install in 2 minutes

Sat, 26 May 2007 06:09:25 GMT

Hi,

Just watch this

قمة الغباء !

Sat, 26 May 2007 05:35:06 GMT

قمة الغباء وقمة الاستفزاز لما تلاقي عضو في المنتدي سجل بمعرف جديد علشان يشكر نفسه وياريت بيسجل بمعرف واحد دا الغبي سجل ب 14 معرف جديد علشان يشكر نفسه لا وغير كده دا بيكتب أسئله وبعدها بـ 5 دقايق تلاقيه رد علي نفسه !, قمة الغباء فعلا والله (اللهم اخرب بيت كل غبي مستفز) واللي يثبت انه غبي انه مفكرش اني كمشرف في المنتدي شايف الآيبيهات علاوة علي حاجات تاني تثبت انه هوا هوا من غير آيبيهات ولا غيره وده يثبت انه قمة في الغباء! زي الحرامي اللي داخل يسرق وبيشخلن بالمفاتيح , علاوة علي كده ايه السبب اللي يخلي متخلف زي ده يعمل كده؟, نفسي أعرف بجد مش لاقي سبب غير انه غبي ومتخلف فعلا, والمشكله الأكبر ان الموضوع ده قرب يبقي ظاهرة, واللي محيرني أكتر البلاص ده جاب وقت منين علشان يسجل بكل المعرفات دي علاوة علي ان كل معرف لازم يكون بايميل مختلف !, حسبي الله ونعم الوكيل فـ كل غبي